O venres 19 de xuño a Sociedad Española de Estudios Clásicos entregou a Prósopon o premio nacional á difusión dos estudos clásicos, pola organización dos festivales de teatro grecolatino que cada ano congregan a miles de mozos da ESO e bacharelato.
O acto, presidido pola viceconselleira de educación da comunidade de Madrid, Dna. Alicia Delibes Liniers, tivo lugar no Círculo das Artes de Madrid. O presidente da SEEC, Jaime Siles, entregou o diploma acreditativo a Cipriano Fontanilla, presidente nacional de Prósopon, en presenza dos representantes de todos os festivais e de membros das directivas de todas as seccións da SEEC. En representación do festival de Lugo acudiron Cecilia Criado e Teresa Amado.
Foron moitas as autoridades do Ministerio de Educaión presentes no acto: Dna. Carmen Maestre e D. José Luis de la Monja, presidenta e secretario do Consello Escolar do Estado, Dna. Milagros López Salvador, conselleira técnica de educación do Ministerio e D. Carlos Alberdi, vocal asesor da Secretaría do Estado de Educación, todos eles coñecedores e entusiastas seguidores do labor de Prósopon.
Na imaxe Teresa Amado, Cipriano Fontanilla, Jaime Siles e Cecilia Criado.
