SEECGalicia

Vén de concluír a edición de 2015 do Festival de teatro Greco-latino, que tradicionalmente se celebra en Lugo e que este contaba cunha nova sé en Ourense.
A presente edición esnaquizou todas as marcas anteriores no referente ao número de centros participantes (105) e ao de alumnos que acudiron ás representacións (5.233). Hai que salientar que estas novas cifras son en parte debidas ao éxito de asistencia que tivo a nova sé en Ourense.
Dende a SEEC Galicia queremos comunicar aos concellos de Lugo e Ourense o noso máis profundo agradecemento, ben como aos profesores dos centros participantes, que cada ano fan o esforzo de levar os seus alumnos.