Logo

SEEC Galicia

Estudos Clásicos

Actividades

PROGRAMA DE ACTIVIDADES DE SEEC-GALICIA PARA O CURSO 2026-2027

  1. X LUDI COMPOSTELLANI Celebraranse en principio o xoves 14 de xaneiro de 2027. O prazo de inscrición será a principios de decembro de 2026.
  2. XXII EDICIÓN DO CONCURSO ODISEA A fase local do concurso terá lugar os días 18-21 de xaneiro de 2027, o desempate o 27 de xaneiro, e a fase final o 3 de febreiro.
  3. CERTAMEN CICERONIANUM 2027 A proba celebrarase o 5 de febreiro de 2027. Na páxina web da SEEC (http://www.estudiosclasicos.org) estarán publicados as bases do concurso, os textos obxecto da proba e a folla de inscrición.
  4. PROBA DE GREGO PARNASO 2027 A proba terá lugar o 9 de abril de 2027. Tamén estarán publicados na páxina web da SEEC todos os datos do concurso.
  5. XII OLIMPÍADA DE TRADUCIÓN DE TEXTOS CLÁSICOS A probas realizaranse na penúltima semana do mes de maio de 2027 e a festa de entrega de premios da Olimpíada e do concurso Odisea terá lugar despois das PAU do mes de xuño.
  6. XXVI FESTIVAL DE TEATRO GRECOLATINO DE GALICIA O prazo de inscrición será do 15 de novembro de 2026 ao 22 de xaneiro de 2027 para socios da SEEC e desde o 22 de novembro de 2026 ao 22 de xaneiro de 2027 para os non socios. O programa xeral é o seguinte: A Coruña (Teatro Colón) 17 de febreiro 2027, mércores 12:00 Helena de Eurípides, grupo Noite Bohemia (A Coruña) 17:00 Xemelgos de Plauto, grupo Noite Bohemia (A Coruña) Tui (Teatro Municipal) 24 de febreiro de 2027, mércores 12:00 Edipo Rei de Sófocles, grupo Corzos Reunidos, Casa de Castilla-La Mancha (A Coruña) 17:00 Miles gloriosus de Plauto, grupo Corzos Reunidos, Casa de Castilla-La Mancha (A Coruña) Lugo (Auditorio Gustavo Freire) 1 de marzo de 2027, luns 12:00 Antígona de Sófocles, grupo El Ruiseñor (Culleredo, A Coruña) 17:00 Xemelgos de Plauto, grupo El Ruiseñor (Culleredo, A Coruña) 2 de marzo de 2027, martes 12:00 Troianas de Eurípides, grupo Noite Bohemia (A Coruña) 17:00 Anfitrión de Plauto, grupo Noite Bohemia (A Coruña)
  7. VIAXE CULTURAL Nesta edición a viaxe cultural terá como destino Grecia e realizarase na semana de Entroido de 2027 (6-13 de febreiro). Como vén sendo habitual, esta viaxe está pensada prioritariamente para profesores e os seus alumnos de secundaria e de bacharelato de materias de Clásicas e para estudantes de Filoloxía Cásica.
  8. ACTIVIDADES FORMATIVAS Serán organizados seminarios formativos sobre ensino de grego antigo e de latín con métodos activos. Entre eles continuará o Circulus Latinus Gallaecus, que terá a súa primeira sesión o venres 16 de novembro de 2026.
  9. OUTRAS ACTIVIDADES SEEC-Galicia colaborará coa Asociación de Estudantes de Linguas e Literaturas (ARELL) no Congreso que vai organizar na Facultade de Filoloxía de Santiago de Compostela os días 24-28 de novembro de 2026.
Festival de Teatro Grecolatino de Galicia

Festival de Teatro Grecolatino de Galicia

Teatro

O Festival de Teatro Grecolatino de Galicia é un evento creado en 2001 por SEEC Galicia co propósito de achegar as grandes obras do teatro grego e romano clásico aos estudantes de toda Galicia. Celébrase cada ano nos meses de febreiro e marzo con representacións en distintas sedes (A Coruña, Lugo, Ourense, Tui etc.).

Saber máis
Odisea

Odisea

Concursos

ODISEA é un concurso sobre cultura clásica creado por SEEC Galicia no ano 2006. Desenvólvese en rede e está dirixido a estudantes de ensino secundario e de bacharelato. Conta cunha fase local en Galicia e en cada unha das outras Seccións da SEEC que participan, e con outra fase a nivel estatal á que concorren os ganadores das diferences Seccións. Cada ano o concurso está dedicado a un tema específico de cultura clásica.

Saber máis
Certamen Ciceronianum

Certamen Ciceronianum

Concursos

Este concurso, que se vén celebrando desde o ano 1980, consiste na tradución e comentario dalgún texto de Cicerón. Está destinado a estudantes de bacharelato. Consta de dúas fases: unha en cada unha das Seccións da SEEC e outra estatal, á cal concorren todos os vencedores das distintas Seccións. O premio consiste nunha bolsa de viaxe para o alumno/-a ganador e o seu profesor/-a para a asistencia á proba internacional do Certamen Ciceronianum, que se celebra anualmente na cidade de Arpino (Italia).

Saber máis
Parnaso

Parnaso

Concursos

Este concurso, que se vén celebrando desde o ano 1990, consiste na tradución e comentario dalgún texto grego. Está destinado a estudantes de bacharelato. Consta de dúas fases: unha en cada unha das Seccións da SEEC e outra estatal, á cal concorren todos os vencedores das distintas Seccións. O premio consiste nunha bolsa de viaxe para unha estadía na Academia Homérica de Quíos (Grecia).

Saber máis
Olimpíada de Tradución

Olimpíada de Tradución

Concursos

Anualmente desde o ano 2015 vénse celebrando a Olimpíada Galega de Tradución de textos gregos e latinos destinada a estudantes de bacharelato de Galicia. Todos os participantes reciben diploma de participación e existen tres premios en metálico e con medalla para os tres primeiros postos no concurso en cada lingua clásica.

Saber máis
Ludi Compostellani

Ludi Compostellani

Talleres

Anualmente desde o ano 2017 celébranse os Ludi Compostellani destinados a estudantes de materias clásicas de Galicia dos distintos niveis educativos. Inclúen talleres diversos relacionados coa cultura clásica: ciencia, cociña, danza, escrituras, exército, grafitos, mosaicos, moda, hixiene, teatro, xogos etc.

Saber máis
Viaxes SEEC Galicia

Viaxes SEEC Galicia

Viaxes

SEEC-Galicia organiza anualmente viaxes culturais guiadas a Grecia e a Italia, dirixidas principalmente aos profesores e profesoras de ensino secundario membros da Sociedade acompañados dos seus alumnos e alumnas.

Saber máis