Ricardo Martín, director do grupo de teatro Parrocha de A Coruña (antigo grupo Sardiña) e membro da anterior directiva de SEECGalicia fai entrega dos premios.
Onte, no segundo día do Festival de Teatro Grecolatino de Lugo, entregáronse os premios da edición deste ano do Concurso de Cultura Clásica ODISEA 2012 en Galicia. O 1º premio foi para o equipo “Los Tritones” do IES Eduardo Pondal de Santiago de Compostela e o 2º e 3º premios para os equipos “Matakalai” e “Kalai” do IES de Ames de Bertamiráns. As obras representadas onte no festival, a cargo do magnífico grupo Noite Bohemia do IES Zalaeta de A Coruña, foron Electra de Sófocles e Aulularia de Plauto.
