O venres día 25 de maio faleceu en Compostela o profesor de Filoloxía Clásica da USC Juan José Moralejo Álvarez, mestre de moitas xeracións de filologos clásicos que estudaron na nosa Universidade. Alí desenvolveu o seu labor universitario como catedrático de Grego desde o ano 1971 ata o momento no que nos sorprendeu a súa morte inesperada. Pertencente a unha estirpe de profesores universitarios, era un home polifacético e asiduo colaborador da prensa galega onde podíamos gozar da súa aguda mirada aos máis variados temas da actualidade. A súa morte deixa un fondo pesar non só na comunidade universitaria, senón tamén en todos os profesores de clásicas que foron os seus alumnos e alumnas.
A directiva de SEECGalicia lamenta a perda dunha persoa tan querida por todos nós e transmite a nosa condolencia á súa familia.
