O pasado día 3 de abril faleceu en Santiago de Compostela D. Ramón Rodríguez Bordallo, durante moitos anos catedrático de Latín do IES Rosalía de Castro de Santiago. Era persoa moi coñecida na cidade e asistente asiduo ás tertulias tradicionais dos cafés composteláns nas que compartía mesa con D. Abelardo Moralejo e D. Carlos Alonso del Real. Precisamente, baixo a dirección deste último realizou investigacións que presentou en xornadas e congresos organizados por SEECGalicia, da que foi socio ata o momento da súa morte.
A directiva de SEECGalicia comunica aos seus socios o seu pasamento e lamenta a perda dun amigo querido.
