SEECGalicia anuncia que a próxima edición do concurso en liña Odisea ha celebrarse entre o luns 1 de febreiro e o mércores 2 de marzo de 2016.
Queremos que todo o profesorado de Galicia saiba con suficiente antelación as datas da celebración de Odisea 2016 para que poida propoñer nos seus propios centros esta actividade dentro do Plan anual de actividades extraescolares e complementarias.
Para a edición 2016 está confirmada a participación das seccións da SEEC de Galicia, València-Castelló e Alacant, Aragón, Valladolid, La Rioja, Estremadura, Andalucía, Canarias, e a asociación de profesores de Linguas Clásicas de Cataluña, APLEC, aínda que non se descartan novas incorporacións.
A inscrición terá lugar no prazo entre o martes 1 de decembro e o martes 26 de xaneiro e o concurso será nos días 1, 2, 3 e 4 de febreiro. Caso de haber equipos empatados, celebrarase un preguntón de desempate o mércores 17 de febreiro.
Unha vez rematada a fase local, os gañadores desta competirán entre si na final Estatal o día mércores 2 de marzo.
O tema deste ano será “A Guerra en Grecia e Roma“.
