SEECGalicia

Con fonda dor comunicamos que a nosa compañeira e socia MARÍA VARELA SÁNCHEZ, profesora de Latín e Grego no IES Carlos Casares de Viana do Bolo faleceu o pasado 19 de novembro en accidente de tráfico. Todos os que a coñecían recordarán sempre a súa enerxía inesgotable que transmitía cun entusiasmo sen freo. Regalou xenerosa o seu tempo a todos, coa súa docencia, o clube de lectura, as viaxes, e una lista inmensa de actividades nas que participou no seu centro. Moitos profesores e alumnos tiveron o privilexio de vivir con ela a súa meirande paixón, o TEATRO. Hoxe non poden crer que se apagara a súa maxia sen límites, porque María facía aparecer da nada vestiarios, decorados e textos adaptados que escribía con emoción roubándolle horas á noite. Os seus alumnos de teatro lanzaron este xoves un remuíño de globos cargados de mensaxes para a súa profesora dendo o patio do IES Taboada Chivite de Verín. SIT TIBI TERRA LEVIS.