Proximamente, case con toda probabilidade durante a vindeira semana, hase publicar a convocatoria da Viaxe a Italia 2016, Operación Averno. Como xa ocorreu o ano pasado coa Viaxe a Grecia, introducimos algunhas novidades no itinerario que esperamos sexan do voso agrado e que coa vosa comprensión non desvelaremos agora. Desafortunadamente xa podemos anunciar que a viaxe será un pouco máis cara que hai dous anos, pero en absoluto debido aos cambios introducidos, senón a política de prezos de Iberia para os grupos, que, permitídenos o comentario, e tan ou máis difícil de comprender que o recibo da luz.
Tede en garda os vosos “lexionarios” (o ano pasado eran hoplitas) e pregade, todos e todas, aos deuses para que o número de solicitantes non exceda as prazas ofertadas, porque nese caso, algún terá que quedar en lista de espera. E isto é algo que os vosos “lexionarios” deben ter claro antes de que todo comece, e vós coma xenerais da lexión que sodes, debedes recordárllelo. Confiemos en que todo saia ben e que ningún figure na devandita lista.
Un saudiño
SEECGalicia
