Estes primeiros días do mes de marzo, case coincidindo coas datas nas que os atenienses organizaban as representacións teatrais dentro das Grandes Dionisias Urbanas, tivo lugar na antiga Lucus Augusti a oitava edición do festival xuvenil de teatro clásico para estudantes de bacharelato e ESO.
A Sección galega da Sociedad Española de Estudios Clásicos, integrada na federación Prósopon, programou este ano 8 representación coas que esperaba atender a demanda crecente dos centros e evitar ó mesmo tempo a excesiva acumulación de público que dificulta a audición das obras. O noso esforzo viuse compensado dabondo pola resposta dos centros, malia non seren as datas máis axeitadas. Polo Auditorio Gustavo Freire pasaron 4.155 espectadores procedentes de 88 centros de todas as provincias de Galicia, León e Palencia.
Este ano contamos ademais co visita dos profesores Carmen Vilela e Javier Lobillo, organizadores do festival na sede de Itálica (Sevilla). Eles ficaron na cidade de Lugo os catro días, tiveron a oportunidade de presenciar as representación, de coñecer os nosos grupos de teatro e de ver a resposta do público. Marcharon moi satisfeitos de que o festival, modesto nos seus comezos, neste momento estea xa á altura dos máis prestixiosos de España. A eles dámoslles as grazas por vir ata aquí a acompañarnos e animarnos.
O público e a razón de ser deste festival como de calquera espectáculo teatral. Valoramos sempre a dedicación dos profesores, nunca recoñecida dabondo, e especialmente o feito de vir, ás veces desde moi lonxe, ata o teatro con esforzo de traballo e tempo que non ten máis compensación có proveito dos seus alumnos. Por certo, que este ano hai que recoñecer o excelente comportamento dos máis deles, que amosaron o debido respecto ó traballo dos actores, rapaces coma eles que traballan todo o ano para facernos pasar uns momentos agradables. Grazas tamén ós grupos de teatro que colaboraron con nós. Algúns participaban por primeira vez no noso festival e esperamos seguir contando con eles no futuro.
Coma sempre temos que facer unha mención especial do concello de Lugo e a súa concellería de Educación, dirixida pola concelleira Dona Dolores Vieiro. Coa mesma sensibilidade e xenerosidade de sempre acolleunos, apoiounos económicamente e facilitou as nosas xestións na cidade. Moitas grazas para ela e o seu departamento.
Agora baixamos o telón, pero non deixamos de traballar, porque hoxe mesmo comezan os preparativos para o festival 2009, onde os esperamos a todos.
Grazas e ata o ano que vén.
Centros que asistiron ás representacións
Provincia da Coruña
IES Salvador de Madariaga (A Coruña)
IES Rafael Dieste (A Coruña)
IES A Sardiñeira (A Coruña)
IES Paseo das Pontes
Santa María do Mar (A Coruña)
Colegio Peleteiro (Santiago de Compostela)
CPR San José de Cluny (Santiago de Compostela)
IES Eduardo Pondal (Santiago de Compostela)
IES Xelmírez II (Santiago de Compostela)
Facultade de Filoloxía (Santiago de Cmpostela)
Facultade de Xeografía e Historia (Santiago de Compostela)
IES Saturnino Montojo (Ferrol)
IES As Mariñas (Betanzos)
IES David Buján (Cambre)
IES Fernando Esquío (Neda)
IES Xulián Magariños (Negreira)
IES María Casares (Oleiros)
IES Moncho Valcarce (As Pontes)
IES Terra de Xallas (Santa Comba)
IES de Curtis (Curtis)
IES de Melide (Melide)
CPI Viaño Pequeno (Trazo)
IES Agra de Leborís (A Laracha)
IES de Arzúa (Arzúa)
IES Macías o Namorado (Padrón)
IES Punta Candieira (Cedeira)
IES Fontexería (Muros)
IES Breamo (Pontedeume)
Provincia de Lugo
IES Ollos Grandes
IES Piringalla
IES Sanxillao
IES Lucus Augusti
IES Politécnico
IES As Mercedes
Centro educativo Galén (Lugo)
Colexio Fingoi (Lugo)
Colexio San José (Lugo)
C. Marista La Inmaculada (Lugo)
Facultade de Humanidades (Lugo)
IES A Pinguela (Monforte de Lemos)
CPR N. Sra. da Asunción (Sarria)
CPI Luís Díaz Moreno (Baralla)
CPI Uxío Novoneira (Pedrafita do Cebreiro)
CPI Tino Grandío (Guntín de Pallares)
IES Terra Cha J.Trapero Pardo (Castro de Rei)
IES Lois Peña Novo (Vilalba)
IES Palas de Rei (Palas de Rei)
IES de Foz (Foz)
IES de Becerreá (Becerreá)
IES de Monterroso (Monterroso)
IES María Sarmiento (Viveiro)
IES Perdouro (Burela)
IES Enrique Muruais (A Pontenova)
IES Pedregal de Irimia (Meira)
Provincia de Ourense
IES O Couto (Ourense)
IES Xermán Ancochea (Póboa de Trives)
IES Carlos Casares (Viana do Bolo)
IES García Barbón (Verín)
IES de Allariz (Allariz)
IES Lauro Olmo (O Barco de Valdeorras)
IES Martaguisela (O Barco)
Provincia de Pontevedra
IES Coruxo (Vigo)
IES Santa Irene (Vigo)
IES Álvaro Cunqueiro (Vigo)
Colexio San José de Cluny (Vigo)
IES Pedro Floriani (Redondela)
IES Aquis Celenis (Caldas de Reis)
IES Manuel García Barros (A Estrada)
IES Losada Diéguez (A Estrada)
IES Luis Seoane (Monteporreiro)
Colexio San Narciso (Marín)
IES Francisco Sánchez (Tui)
IES Francisco Asorey (Cambados)
IES Marco do Camballón (Vila de Cruces)
IES Armando Cotarelo Valedor (Vilagarcía)
IES Tomiño (Tomiño)
IES Monte da Vila (O Grove)
IES de Mos
IES Beade
IES Pintor Colmeiro (Silleda)
IES Laxeiro (Lalín)
IES de Valga (Valga)
Outras provincias
IES Álvaro de Mendaña (Ponferrada, León)
IES San Andrés (Villabalter, León)
IES Eras de Renueva (Villabalter, León)
IES Victorio Macho (Palencia)
IES Alonso Berruguete (Palencia)
