A Facultade de Filoloxía vai celebrar os días 17 e 18 de abril unhas xornadas formativas dirixidas especificamente a orientadores e profesores de linguas e literaturas dos centros de Secundaria, co fin de dar a coñecer a súa nova oferta de estudos de grao e máster.
A inscrición é gratuíta, pero en todo caso é necesario inscribirse previamente, tanto por limitacións de espazo como pola necesidade de certificar logo a asistencia. Aínda que no triptico figura o 3 de abril como data límite, o prazo será ata o día 15 de abril de 2009.
Preme nos adxuntos para descargar o boletín de inscrición e o tríptico.
