No día de onte, 31 de maio, tiveron lugar na Facultade de Filoloxía de Santiago de Compostela as probas da “VIII Olimpiada de Traducción de Textos Clásicos 2023”, organizada pola Sección de Galicia da Sociedade Española de Estudos Clásicos en colaboración co Departamento de Filoloxía Clásica, Francesa e Italiana da USC.
Nesta edición participaron 91 estudantes de 1º e 2º de Bacharelato de 30 centros de toda Galicia. O acto solemne de entrega de premios e diplomas celebrarase ás 17:00 horas do próximo xoves 15 de xuño no Salón de Actos da Facultade de Filoloxía.
