PREÁMBULO
Dado que non se cubriu o grupo de profesores para viaxar a Grecia no Entroido, SEECGalicia ofrece agora unha viaxe para profesores con alumnos.
XUSTIFICACIÓN DA CONVOCATORIA
Esta viaxe está pensada para aqueles profesores que teñan un escaso número de alumnos e non poidan organizar a viaxe a Grecia. SEECGalicia ofrécese para facer de intermediario deste profesorado.
DATA DA VIAXE
A semana da ponte de San José (14-21 de marzo de 2009)
XUSTIFICACIÓN DA DATA
É tempada baixa; pódense conseguir mellores prezos das axencias e, ademais, é previsible que o tempo sexa moito mellor nesa época.
NÚMERO DE PARTICIPANTES
entre 25 (mínimo) e 40 máximo.
PROGRAMA
- Día 1º (sábado 14 ou domingo 15 segundo prezos de axencias): traslado desde os distintos aeroportos de Galicia a Madrid e Madrid-Atenas; chegada a Atenas. Durmir en Atenas.
- Día 2º: mañá: visita MUSEO ARQUEOLÓXICO, tarde libre (opcional, pódense organizar visitas a Licabitos, por exemplo): durmir en Atenas.
- Día 3º: mañá: Acropolis, Ágora, Museo Acrópole?); tarde visita a Sunion, se o tempo o aconsella. Durmir en Atenas.
- Día 4º: saída para Peloponeso: visita a Epidauro, Micenas, Nemea?
- (dependendo do tempo) pola tarde traslado a Olimpia; durmir en Olimpia.
- Día 5º: visita Olimpia; traslado a Delfos: durmir en Delfos.
- Día 6º: visita Delfos, traslado a Atenas; tarde visita Museo Benaki. Durmir en Atenas
- Día 7º Mañá libre; tarde regreso Madrid-Aeroportos de Galicia.
Segundo o número de alumnos e a dispoñibilidade dos grupos, pódense programar actividades durante a viaxe: competicións deportivas por equipos nos distintos estadios olímpicos que visitemos (Olimpia, Delfos, Nemea); ou facer estudos especiais da traxedia grega en Micenas.
PREZO P/P:
Sempre será inferior a 700€, pero o prezo final dependerá:
- Do número de participantes: é evidente que non é o mesmo pagar guías e autocar entre 25 que entre 38 persoas.
- Das posibles ofertas que, para esa época podamos obter. É presumible coller algunha agora que os prezos en Europa están á baixa por aquilo da crise.
- Das diferenzas de custo nos traslados Alvedro/Lavacolla/Peinador a Madrid.
O prezo inclúe todos os traslados máis o autocar-guías polo Peloponeso; hotel en réxime de aloxamento almorzo/buffet e dúas ceas as noites do Peloponeso.
Dadas as características de Atenas intentarase escoller un hotel de catro estrelas e que estea preto de metro.
Loxicamente os prezos están calculados para habitacións dobres/triplas. As habitacións individuais terán suplemento engadido.
INSCRIPCIÓN
Os profesores responsables deberán inscribirse e inscribir aos seus alumnos cubrindo o formulario que aparecerá na web de SeecGalicia dende o 12 de novembro ata o 12 de decembro.
Terán prioridade os grupos dos profesores pertencentes á Sección galega da SEEC. Atenderanse as solicitudes por rigorosa orde de presentación.