SEECGalicia

O pasado martes 26 de marzo púxose punto final ao ” XIX Festival de Teatro Grecolatino” organizado por SEECGalicia. Como estaba previsto no programa, este ano celebráronse as seguintes representacións: “Electra” de Eurípides e “Xemelgos” de Plauto a cargo do Grupo O Reiseñor (A Coruña) o 11 de marzo en Lugo; “Troianas” de Eurípides e “Anfitrión” de Plauto a cargo do Grupo Noite Bohemia (A Coruña) o 12 de marzo en Lugo; “Bacantes” de Eurípides e “Anfitrión” de Plauto a cargo do Grupo Noite Bohemia o 13 de marzo na Coruña; “Cestiña” de Plauto e “Edipo Rei” de Sófocles a cargo de SV Producciones (Madrid) o 25 de marzo en Ourense; “Bacantes” de Eurípides e “Miles Gloriosus” de Plauto a cargo do Grupo Noite Bohemia o 26 de marzo en Ourense. O éxito de público foi, como todos os anos, excelente; no festival participaron en total 6.741 espectadores (alumnos/-as e profesores/-as) procedentes de 124 centros de ensino de Secundaria, Bacharelato e Universidade.