Miguel Ferreiro, alumno do IES de Cacheiras, vén de quedar no segundo posto da fase estatal do Certamen Ciceronianum convocado polo Liceo Arpino (Italia), lugar onde se celebrará a gran final europea.
De man da súa profesora de Latín, Concha Sande, este alumno de Bacharelato chegou á fase estatal logo de superar as probas convocadas en Galicia pola Sección Galega da Sociedade de Estudos Clásicos.
Na fase estatal, promovida pola Sociedade Española de Estudos Clásicos (SEEC), acadou o segundo posto. O próximo día 5 de xuño, Miguel Ferreiro recibirá na capital española un merecido recoñecemento, con entrega de premio incluída, por parte da SEEC.
