Hoxe luns 11 de xaneiro de 2021, comeza a inscrición para a edición 2021 de Odisea, que se prolongará ata o venres 19 de marzo.
O Concurso comezará o luns 22 de marzo e rematará o mércores 21 de abril de 2021, día no que se celebrará a final estatal. Pódese ver toda a información na páxina web do concurso: http://www.odiseaconcurso.org/
Nesta edición participarán as seccións da SEEC de Andalucía (Seccións de Cádiz, Córdoba, Granada-Jaén-Almería, Málaga e Sevilla-Huelva), Aragón, Asturias (en colaboración coa Asociación asturiana de profesores de Latín y Griego “Céfiro”), Canarias, Galicia, Extremadura, La Rioja, Salamanca-León, Valencia-Castellón, Valladolid, Madrid, e a Associació de Professorat de Llengües Clàssiques de Catalunya (APLEC).
O tema que fará de fío condutor será “A saúde e a enfermidade en Grecia e Roma“.
